Aap kuch kah-ke muskurane lage

[umal]

Haq wafa ka jo ham jataane lage
Aap kuch kah-ke muskurane lage

Ham ko jina pa_degaa furqat mein
Wo agar himmat aazmaane lage

Dar hai meri zubaan na khul jaaye
Ab wo baaten bahut banaane lage

Jaan bachati nazar nahin aati
Gair ulfat bahut jataane lage

Tum ko karna pa_dega uzr-e-jafa
Ham agar dard-e-dil sunaane lage

Bahut mushkil hai shewa-e-taslim
Ham bhi aakhir ko ji churaane lage

waqt-e-rukhsat tha sakht ,Hali, par
Ham bhi baithe the jab wo jaane lage

[Sweet Princess]

very nice sharing geeeeeeeeeeee....

[Zoni]

v. nyc

[naz]

nice

[suhaney_khawab]

v v nyceeeeeeeeee