wahan sahilon ki rait py,basharaton ka charagh bhi

[Rose]

wahan sahilon ki rait py,basharaton ka charagh bhi hai jala huwa
wahan haath meray bandhay huway mera badba’n chida huwa

gayee sa’aton ki talash main mera harf harf bikhar giya
kahin teray nam ka shair bhi,meri bayaz-e-jan pay likha huwa

meri poor poor pay titliyan,kai rang chor k ja chukin
teray zikar ka koi phool tha,meray ratjagon main khila huwa

usay rait rait main khojna usay lehr lehr main dhoondna
koi shehad sa tera ehad tha,inhi sahilon pay likha hwuwa

nay mausmon k khraam bhi nay lams raas na a sakay
main yah aitraaf kahan karon,tera mu’atbar tha kaha huwa

kisi mor naach ka rung bhi teri aankh ko na lubha saka
koi zard zrad sa khwab tha,teri putlion main kkhuda huwa

kisi or ufak ki sadaon par wo udaas koonj chali gai
meri JHEEL ankh na sochna,kabhi A SAKA HIA GIA HUWA?

kisi hijr shaal ki dhajiyan mujhay somp kar woh chala giya
woh dhanak dhanak say kata huwa,wo kiran kiran say buna huwa

[suhaney_khawab]

nice

[naz]

nice

[Aryan]

nice