aisay mujh ko nachati hai meri biwi
din ko bhi taray dikhati hai meri biwi

chughlion mein tou aisi maahir hai
har ghar mein aag lagati hai meri biwi

deti hai mujh ko khanay mein bas daal
khud tou chargha uraati hai meri biwi

har roz roti hai rona mehngai ka
har roz parlor jati hai meri biwi

jab bhi aata hai koi us ke maikay se
bholi aur masoom ban jati hai meri biwi


koi farmaesh na ho us ki agar poori
zulm mujh pe phir dhaati hai meri biwi

hazaron aib hain shetan ki us khala mein
magar cha'ay tou achi banati hai meri biwi