Mahav-e-khwaab Hai Chaandni

[shaan]

MAHAV-E-KHWAAB HAI CHAANDNI

Kabhi Yun Bhi Aa Meri Aankhon Mein
Ke Meri Nazar Ko Khabar Na Ho
Mujhe Ek Raat Navaaz De
Magar Uske Baad Sahar Na Ho


Woh Bada Raheem-o-kareem Hai
Mujhe Ye Sifat Bhii Ataa Kare
Tujhe Bhoolne Ki Duaa Karun
To Duaa Mein Meri Asar Na Ho


Mere Baazuon Mein Thaki Thaki,
Abhi Mahav-e-Khwaab Hai Chaandni
Na Uthe Sitaaron Ki Paalki,
Abhi Aahaton Ka Guzar Na Ho


Woh Firaaq Ho Ya Visaal Ho,
Teri Yaad Mahakegi Har Din
Woh Gulaab Ban Ke Khilega Kya,
Jo Chiraag Ban Ke Jalaa Na Ho


Kabhi Dhoop De, Kabhi Badaliya,
Dil-o-jaan Se Dono Qubul Hai
Magar Us Nagar Mein Na Qaid Kar
Jahaan Zindagi Ki Havaa Na Ho


Mere Paas Mere Habeeb Aa
Zaraa Aur Dil Ke Qareeb Aa
Tujhe Dhadkano Mein Basa Lun Main
Ke Bichhadne Ka Kabhi Darr Na Ho