suchiiiii khushi

**fiza** · 08-10-2009, 08:58 PM

SACHI KHUSHI....kahan,kab,kaisay hasil hoti hay??
jawab dhoondtey dhoondtey jaan,jism,rooh sab halkaan howey jatay hain.......Mohabaton ko baratnay k baad bhi....jazbo ki aanch main sulagney ka baad bhi....rishton k muqqaddas bandhano main bandhney k bawajud bhi......taaluqaat ki khubsurtion ko mehsus karney k baad bhi yeh KHUSHI dill k ujaar gulistan main phool q nahi khilaa paati???

pata nahi insaan naa shukra hay yaah tishnagi uss k naseeb main hamesha k liye likhdi gayi hay sab kuch paa kar bhi apney aap main gum,tanha aur piyaasa rehta hay

zeest ki dourr dhoop main lagg kar jab thakney lagta hay....jab uss k paaon thakk kar koi thikana dhoondtay hain toh bohat qareeb hotay par woh thikana woh sayaa daar shajar q ussko nazar nahi ata???

abhi toh iss zindagi k guzartey safar ki thakaan..gard nahi utarti uss k shal hotey jism sey... k woh ek naye safar ka irada baandh leta hay...K NAHI abhi yeh parao nahi....thora aur chalo....abhi yeh thikana nahi kahin aur talash karo aur isi talaash main phir khushi rooth jaati hay phir phoolon per khiza'aan ka rung gehra hojata hay aur safar-e-musalsal jaari rehta hay...piyaas aur tishnagi wahi apni jagah per khari apney mukammal honay ka intezaar karti reh jaati hay......

kia muqqaddar main tehraao nahi aur hay toh wahan woh ehsaas q nahi jo dill ko sakun day??chain day???
kaash k inn sawalon k jawab mill jaayen....kaash k aasudgi apni baahain phelaain hamari thakki hoyi ROOHON ko mohabbat bhari thapkiaan dey....kaash k safar-e-musalsal ka kahin toh anjaam ho...ek esa anjaam jahan dill ka aangan khiltey phoolon ki khushbu sey mehkay.....
Kaash k SACHI KHUSHI haasil hojaye.