Chicken Biryani

[sheem]

چکن بریانی
اجزاء:
چکن ---- سوا کلو
چاول ---- ایک کلو
ادرک لہسن پسا ہوا ---- دو کھانے کے چمچ
نمک ---- حسب ذائقہ
پیاز (باریک کٹی ہوئی) ---- تین عدد درمیانی
ٹماٹر (باریک کٹے ہوئے) ----- چھ عدد درمیانے
دہی (پھینٹا ہوا) ----- ایک پیالی
سفید زیرہ ---- ایک چائے کا چمچ
ہلدی پسی ہوئی ---- ایک چائے کا چمچ
لال مرچ پسی ہوئی ---- دو کھانے کے چمچ
دھنیا پسا ہوا ---- ایک کھانے کا چمچ
گرم مصالحہ پسا ہوا ---- ایک کھانے کا چمچ
ہری مرچیں (باریک کٹی ہوئی) ---- چھ سے آٹھ عدد
ہرا دھنیا (باریک کٹا ہوا) ---- آدھی گٹھی
پودینہ (باریک کٹا ہوا) ---- آدھی گٹھی
ثابت گرم مصالحہ ----- دو کھانے کے چمچ
زردے کا رنگ ---- ایک چٹکی
دودھ ---- ایک پیالی
کیوڑہ ایسنس ----- چند قطرے
کوکنگ آئل ---- ایک پیالی

ترکیب:
دیگچی میں کوکنگ آئل کو درمیانی آنچ پر تین سے پانچ منٹ گرم کر کے ثابت گرم مصالحہ ڈال دیں- جب کڑکڑانے لگے تو پیاز ڈال کر سنہرا فرائی کر لیں-

ادرک٬ لہسن٬ ہلدی اور زیرہ ڈال کر دو سے تین منٹ تک چمچ چلائیں اور پھر ٹماٹر شامل کر کے اتنی دیر پکائیں کہ ٹماٹر گل جائیں-

جب ٹماٹر اچھی طرح گل جائیں اور ایک پیسٹ کی شکل میں آ جائیں تو چکن٬ نمک٬ لال مرچ٬ پسا ہوا دھنیا٬ پسا ہوا گرم مصالحہ٬ ہری مرچیں٬ ہرا دھنیا اور پودینہ ڈال دیں- پھر دہی ڈال کر اچھی طرح ملائیں اور درمیانی آنچ پر بارہ سے پندرہ منٹ تک پکائیں-

چاولوں کو تھوڑے سے ثابت گرم مصالحے کے ساتھ ایک کنی (مکمل ابلنے سے تین چار منٹ پہلے) ابال کر چھلنی سے پانی چھان لیں-

بڑے سائز کی دیگچی میں چکن کو پھیلا کر رکھیں اور اس کے اوپر چاولوں کی تہہ لگا دیں- دودھ میں زردے کا رنگ اور کیوڑہ ایسنس ملا کر چاولوں پر چھڑ ک دیں-

دیگچی کو ڈھک کر پندرہ سے بیس منٹ کے لیے گرم توے پر رکھ کر ہلکی آنچ پر(دم پر) پکائیں

[shaan]

Thanks 4 nice recipe

[naz]

zaburdast baji

[Mr.10]

nice