Polling MK Competiton Nov 2009

[naz]

janab kafi achey answer aye MK ke bare main..
ab dekhtey hain kaun hota hia winner
10 members ne Question ka khoubsurat jawab diya


RuLes :

1...sirf Aik he Ans ko vote diya jasakta hai.

2...Members apni shamil ki gaye Ans ko vote nahi de sakte...jis ne diya wo vote cancel kardiya jaye ga.

3...Polling ki last date 28 Nov Hai.

[naz]

Hijab

Mere nazdeek mohabbat ke liye teen categories hoti hein. Aik woh log jo mohabbat kertay hein, dosray woh jo isay kernay ki koshsish kertay hein, aur teesray woh jo is kay baray mien kuch knowledge rakhtay hein, matlab kahin say parh ker, logo say sun ker ya khud us kay baray mein kuch souch ker ya likh ker. Mein teesri kisam kay logo mein aati hoon. Mera mohabbat kay baray mein jo nuqta-e-nazar hai woh aik alag behas hai, yahan per baat ho rahi hai ke mohabbat kadah kay baray mein mera kia khial hai, matlab yeh ke dil ki basti walon ke baray mein
Mohabbat kadah mere nazdeek woh jagha hai jahan per sab mohabbat ke bare mein apnay jazbat aur khiyalat share kertay hein. Mein pehlay pehl mohabbat kadah mein nahi aati thi, magar phir ana shuro kiya. Is section ko parh ker mohabbat ke baray mein, mein nay ik aur zaviye aur nazriye say soucha. Is section mein mohabbat ko haqeeqi nazar aur afsanvi nazar dono say dikhaya jaata hai. Is mein khud-gharzi kay rang bhi hein aur bay-gharz aur bay-lous mohabbat kay moti bhi. Is section mein anay k badd youn lagta hai k aap kise aur jahan mein aa gaye hein, jahan per sab ahsasat khubsurat ho jatay hein.

Akhir mein yeh he kahoon gi kay MK, mohabbat kernay walon ke liye woh samandar hai jis ke kinare per bethay honay kay bawajood tashangi kam nahi hoti. Yeh samndar aap kay sab anso, hijar ke dard aur faraq kay ablay samaitnay ka hosla rakhta hai. Is mein bay-lous mohabbat ka noor bhi chiraktay rahiye aur is ki roshni say khud ko bhi munawar kartay rahiye.
MK, mohabbat kernay walon ki wajh say he itna purronaq aur roshan hai. Ise taran mohabbatein kertay rahiye aur mohabbatein samait-tay rahiye ke mohabbaton ke samndar kabhi sokhnay nahi chaiyen!

[naz]

~*Rano*~


Mera Manna Hai keh jab insaan k apnay dil main muhbbat ajati hai na tu phir ko her wo cheez attract kerti hai achi lagti hai jis main Muhbbat ka naam ata hai...jis main muhbbat ka ziker hota hai...

Muhbbat Kaddah aisay is liye kehtay hain keh yeh sab Muhbbat karnay walon ka Sanhja gahar hota hai...yahan say muhbbat ki Jaarien or mazboot hoti hain..coz insaan free hota hai apnay ehsasat ko biyan kernay k liye or dosray ki muhbbat ki gehrayi jaan keh apni mubbat ka tajziya kernay ko.....

Muhbbat Kaddah sab muhbbat kernay walay ko ryt way per guide kernay ka b ik chota sa plateform hai....

Meri Soch ais sec k baray main yahi hai keh mujay ais sec main aa ker hemsha meri muhbbat ka khayal ata hai...or main yahan kuch b parhti hoon ya share kerti hoon mere mind main sirf meri muhbbat he rehti hai...or yeh automatically aisa hota hai....keh main beshaik kahin b bzy hon kahin b ulhji hoyi hoon jab MK open kerti hoon bas mind ik he cheez k ird gird ghomnay lagta hai or wo hai Meri Muhbbat......!!!

ais liye mujay MK say buht Muhbbat hai

[naz]

SiLenT ScReaM


Mohabbat ek ehsaas ka naam hay... ye khud ba khud aur kisi se bhi ho jati hay...
iss ki koi had nahi hoti... humara dil khud ba khud ek kashish ki tarha os taraf
khicha chala jata hay.isi mohabbat ki waja kar humain her cheez khubsorat lagnay lagti hay
aur Moahhabat kaadah tu phir ek aisi jaga hay jis k her konay main mohabbat k Rang bikhray huway hain.
bas inn Rangon ko apni zindagi main bharnay ki deer hay kay Zindagi ek phhol ki maanind khil jati hay
jis ki khushbo halkay halkay aap ki zindagi ko mahkati rahti hay aur hum unhi khiyaalon main Gum ho jatay hain
aur sochtay sochtay hum ek alag dunya bana laitay hain jahan bas piyaar hi piyaar hota hay...

" Kabhi Paas aa kay dekhoo Kabhi door jaa k dekhoo
Main piyaar ka taraana hon kabhi Gunguna k dekhoo

Karta nahi Chiragaan tuj bin main apne ghar main
Fursat milay tu kabhi Ghar aa kay dekhoo "

[naz]

Saira Khan

Mere Khayal mein tu hum is ko Muhabbat Kadah is liye kehte hain kionke yahan pe Mohabatein banti jati hain, aur har taraf mohabat hi mohabbat pai jati hai yahan pe.

WaFa_rAñI


Ye sec sub se Different h.
Aur mjhe is forum pe ye sec sub se achaa lgta h.
mere sath aksar ye hota h k aksar threads mk pe meri soch ki akasi kr rhi hoti hain. i feel happy.
Khuda ne insan ko mhbt k naam pe ek gift dia h
aur ye gift mjhe sub se anmol lgta h. Mhbt k baray mai is sec mai bht kuch seekhne ko milta h.i love this sec at all.

[naz]

naz

Mujhey lagta hai Mohabbat Kadah Meri Pehchan hai...main is Mohabbat kadey main akar khud ko Mohabbat ki anjuman main bheta tasavor karti hon...main yaha kuch bhi keh sakti hon apni Mohabbat ke bar main ...zamane ki taarah mjhe yaha kisi baat ka khayal nahi karna parey ga ke koi mere bare
main kiya sochey ga ...bhaley sochta rahey..jab Mohabbat ki mehfil main a he gaye tu sare pardey chak hojaye ...Mohabbat be baki nahi hia ...Mohabbat tu ehsas hia jeeney ka ...Meri soch yeh hai ke is Mohabbat kadah main insan jab aye tu Khud ko Apni Mohabbat main doba tasavor karey... yeh na ho ke haan aik post thi parh le bhol gaye usey yaad rahe k haan aisa he hota hai meri Mohabbat bhi tu aise hia ...main najaney kiya kia likh don kukey main yaha akar khud ko rok nahi pati...apne jazbon ko apni feelings ko kaash mere pass khoubsurat alfaz ka zakhera hota tu main or or khoub se khoub tar biyan kar pati ... ke Mohabbat kadah meri zindagi k liye kitna aham hia ...is main meri Mohabbat kot kot ker shamil hojati hai ...yeh mujhe meri Jeeney ka Meri Mohabbat ka ehsas dilata hai...kaash Mohabbat karney waley samjh sakey iski ahmiyat iski bunyad ku rakhi jati hai ... kaash hamare dil is k liye waise he Mehsos karne lagey ke hum yeh sec ku banatey hain ...iska asal maqsad kiya hia ...kaassh ke hum Mohabbat Kadah or Mohabbat ko samjh sakey...!!!

Akhir main yehe kahongi ke main Or Meri Mohabbat Is Mohabbat Kadey se Alag Nahi Hian...is main bhi dhairo Mohabbat hai or mujh main bhi...!!!

[naz]

R. M. Dixit

Mohabbat, Pyar Ishk, Ulfet, Love in sub ka ek meaning hai. Ye bari wide term hai. Ye sub ek dusre ke Synonym hai. Mohabbat does not only pertain to love or ishq male - female couple. It can also be amongst brother, sisters, father , mother,other relatives. It can also be between friends and also with pet animals viz. dogs, Cats etc. Someon say mujhe mere Huner, profession se mohabbat hai. I say that I love S D Comm. and its Doston se. Waise M. K. main it is described that members should place their view on Mohabbat those who has suffered having practical exzperience. Some understand but can not share their views. In todays scenario (Mahol) Mohabbat ek majak, tamasha +++ ban ker regaya hai. We r following western culture. M. K ko apne ek new disciplined, sacred , genuine Shape diya hai. Members has liberty to express their true, genuine, good views thro Shair, Gazal, Nazm, Shayari etc which carries true feelings. Those who read the expressions of writer should always give their response with similer type of shairs etc. Pl dont perform a formality with a word, Nice, Jaberdast, Wah etc. Some more writings be given to boost the morale of writer. Apne M. K. ko kafi better shape diya aur members ko apne true views, feelings, expression pesh kerni ki liberty hai. More and more member should participate in this and take this thread to a new hight. Good number of friends are participating in Mohabbat Kadah their presentation is kabile tarif hai. Mohterma Naz its pioneer and Moderator has created a good place for the expression of views Mohabbet. '" Apna pata mile na khaber yaar ki mile, Dushman ko bhi na aise saza Mohabbat ki mile. unko khuda mile , Khuda ki jineh talash, Mujhko to ek Jhalak mere dildaar ki mile. Ye duniya yeh mehfil mere kaam ki nahin.

[naz]

SeRiOuS ThOugHts



Mera rishta to Muhabbat Kadah se buhut purana hai .. infact mai ne forums per post karna hi MK me aaney ki wajah se seekha tha..

Muhabbat kadah muhabbat se muhabbat karney walon ke lye ek ghar ka kaam karta hai.. ek sukoon milta hai yahan aakar dil ko.. jahan aap apney ghum galat kar saktey hain.. Dunya bhar ke ghum, pareshaniyan, frustrations sab bhul kar sab muhabbat ki baat kartey hain.. ek peace of mind milta hai.. Jahan har tarhan ke bandey ke lye kuch na kuch hai kionke muhabbat ek fitri jazbah hai jo ke Allah tallah ne har insaan ke dil me daal di hai .. jis ke dil me muhabbat nahi hai usey hum insaan consider hi nahi kartey.. MK me har tarhan ke shakhs se meri mulaqaat or mukka laat..lol dono hui hain.. Buhut acha lagta hai sab ke tajziyaat aur tajarbaat muhabbat ke baaray me sunkey .. Pata chalta hai ke ek aap hi muhabbat me PhD nahi kye huye hain aur log bhi school-e-muhabbat ke student rah chukey hain..

Yahan muhabbat se muhabbat karney walay bhi aatey hain
Yahan sirf muhabbat karney walay bhi aatey hain
Yahan muhabbat me dhoka khaye huye log bhi aatey hain
Yahan muhabbat ko dhundney walay bhi aatey hain

long story short.. Muhabbat karney walon ke lye is se behtreen jagah kya ho sakti hai..



Paras



Jis tarhan aik sharabi nashay ki talash main Meh kaday ka rukh karta hai theek usi tarhan main Muhabbat ki Talash main Muhabbat Kaday ka rukh karti hun. han theak hai mujh bhi tu muhbt se muhbt hai.Nasha hai iska.is ka har topic suroor ki kefiyat lye hai.Muhbbt hi main sukoon hai or mere zoq ki taskeen isi kaday mai milti hai.Is k har topics mai Muhbt ka nasha huta hai jis se main suroor main rehti hun. Allah Muhabbat kaday or is Ki intizamia ko hamesha abad rakhay Amen.

QK Muhabbt hi tu jenay ka bahana hai.

[naz]

Silent Tears



Mohobbat Kadah Kehne Ko To Ek Naam Hai Laugon Ke Liye

Magar Is Naam Ki Haqeeqat Se Wohi Waakif Hota Hai Jo Mohobbat Kadah Main Aata Hai

Mohobbat Ke Sher Ghazlon Nazmon Ko Khud Main Mehsoos Karta Hai

Koyi Dukh Baantta Hai To Koyi Khushiyaan

Koyi Aarzooyein Yahan Se Samait Leta Hai

Koyi Kisi Ke Lafzon Se Naseehatein Paa Leta Hai

To Koyi Kisi Mohobbat Ki Nazm Main Doob Sa Jaata Hai

Aur Puraani Yaadein Taaza Kar Leta Hai

Mujhe Mohobbat Kadah Se Bohot Mohobbat Hai

Yahan Aaa Kar Apni Feelings Par Control Nahin Rehta

Yahan Khud Ko Main Majnoo Tasawur Karta Hoon Aaa Kar

Na Phir Zamaane Ki Baaton Ka Darr Rehta Hai

Na Kisi Ke Mazaaq Uraane Ka

Is Section Main Aaa Kar Pata Nahin Kiya Ho Jaata Hai Alfaaz Khud Ba Khud Aaa Jaate Hain

Jo Dil Ne Kabhi Mehsoos Na Kiya Ho

Dimaag Ne Socha Na Ho

Wo Lafz Yahan Dhair Ho Jaate Hain

Aur Likhte Likhte Kitni Gehriayon Main Doob Jaata Hoon Pata Nahin Chalta

Bus Ye Yaad Rehta Hai Chahe Gham Hai Yaa Khushi

Mohobbat Ke Baare Main Likh Raha Hoon

Beete Haal Bhi Jo Guzri Sub Kuch

Mujhe Yahan Aaa Kar Kisi Ka Dar Nahin Rehta

Mohobbat Ki Karwi Talkh Yaadon Ko Yahan Likh Kar Sukoon Milta Hai

Mohobbat Kadah Agar Na Hota Kasam Se Pagal Sa Ho Jaata

Kahan Feelings Share Karta

Ye Section Meri Zindagi Ka Ek Hissa Ban Chuka Hai

( Serious Thoughts ) Ne Ek Baat Kahi

Yahan muhabbat se muhabbat karney walay bhi aatey hain
Yahan sirf muhabbat karney walay bhi aatey hain
Yahan muhabbat me dhoka khaye huye log bhi aatey hain
Yahan muhabbat ko dhundney walay bhi aatey hain

..................

Yahan Mohobbat Ko Bhulaane Ke Liye Bhi Kuch Laug Aate Hain

Yahan Mohobbat Ki Aakhri Had Ko Talaash Karne Ke Liye Bhi Laug Aate Hain

Yahan Aksar Wo Laug Bhi Aate Hain Jinhein Mohobbat Nahin Hoti

Aur Yahan Wo Laug Bhi Aate Hain

Jin Ko Kuch Lafz Mill Jaayein To Wo Sukoon_E_Zindagi Ka Kuch Pal Ke Liye Maza Le Sakein

............

Naz Ne Aakhir Main Kaha

( Akhir main yehe kahongi ke main Or Meri Mohabbat Is Mohabbat Kadey se Alag Nahi Hian...is main bhi dhairo Mohabbat hai or mujh main bhi...!!! )

Yahan Meri Feelings Bhi Same Hain

Jitna Bhi Kuch Kar Lo Aarzuon Ko Maar Do

Khawahishon Ko Jalla Do

Par Mohobbat Dil Se Nahin Jaati

Ye Us Patthar Ki Maanind Hai

Jo Zameen Ke Andar Dhansa Huya Hai

Aur Jisay Agar Tay Tak Khodein Ge Tub Bhi Shayad Na Nikle

Kyun Ke Is Ki Jarein Itni Mazboot Ho Chuki Hain Ke Agar Ye Patthar Nikal Bhi Jaaye

To Toot Toot Kar Raiza Raiza Ho Jaaye Ga

Bus Yehi Baat Milti Hai Mohobbat Main Aur Patthar Main

Farq Sirf Ye Hai

Mohobbat Karne Waala Andar Se Tootta Hai

Aur Patthar Raiza Raiza Hone Ke Baad

Aaj Meri Ye Dua Hai

Sub Ishq_E_Mizaaji Se Alag Ho Kar Ishq_E_Haqeeqi Main Parr Jaayein Mujh Samait

To Asal Mohobbat Humein Mill Jaaye Gi

Koyi Ghalati Huyi Ho To Maafi Chahoon Ga

Sub Apni Mohobbat Bhari Duaon Main Yaad Rakhiye Ga

ALLHA HAFIZ

[Sonii]

Voted