New Year Resolution.

[naz]

Soch raha hooN!
Abb k Saal main apnay saaray mamoolaat badal daaloN ga


YadooN k rastay per chalna
Tanhaee ki aag main jalna


Baymasraf yun raat gaee takk jaagtay rehna
Guzray saaloN ki baatoN ko sochtay rehna


Apni zaat main gumm ho jana
Baithay baithay "Tum" ho jana


Apnay ghamm chupp chaap akylay sehtay rehna
"Main khush hooN" yeah jhoot sabhi se kehtay rehna


AshkooN se bheegay lafzooN ko chuntay rehna
Kaaghaz per nazmooN ki soorat buntay rehna


Soch raha hooN yeah halaat badal daloN ga
Abb k Saal main apnay saaray mamoolaat badal daaloN ga


Laikin aisa kaisay ho ga?
Main her saal december main yeah sab kehta hooN
Apnay mamoolaat badalnay ki koshish main
RatooN ko phir dair talak jaaga rehta hooN


Soch main guzray saaloN ki baatain rehti hain
Yaadain askhooN main dhall ker nazmain banti hain


Main khud se tanhaee main kehta rehta hooN
Apni zaat badal daaloN ga
Yeah din raat badal daaloN ga
Abb k Saal main apnay saaray mamoolaat badal daaloN ga
Laikin iss koshish main saal guzer jaata hai
dil yaadoN se bharr jata hai


Aur main phir iss saal december main kehta hooN
Abb k Saal main apnay saaray mamoolaat badal daaloN ga
Apni zaat badal daaloN ga
sab halaat badal daaloN ga
Yeah din raat badal daaloN ga

[sheem]

[Mohammad Sajid]

Bohot Hi Zabardast

[~*Rano*~]

buht khobsurat

[Arl-laM]

Aalaa...

[Sky Angel]

Abb k Saal main apnay saaray mamoolaat badal daaloN ga
Apni zaat badal daaloN ga
sab halaat badal daaloN ga
Yeah din raat badal daaloN ga

chaaaaaaaaa gai apiiya

[Killer]

Shaandaar