Bint E Aadam's Poetry

[Bint E Aadam]

and as salam-o-alaykum

Sochtey rehnay ki aadat hogayi
chaunktey rehnay ki aadat hogayi
hijr ki raatoun k sung aankhoun ko bhi
jaagtey rehnay ki aadat hogayi
jaaney kia dur hayk apnay aap say
bhaagtey rehnay ki aadat hogayi
woh nahin lautey gaa phir kiyoon rehguzaar
daikhtey rehnay ki aadat hogayi
woh meray andar chupa hay or usay
boltey rehnay ki aadat hogayi~!!

Farhat Abbas Shah.

[Bint E Aadam]

Phir usi ka khayal aata hai
Wo jo apna nahee paraya hai

Jiska darma kabhi nahee milta
Rog dil ne wahi lagaya hai

Kirchiyan hain ke mera chehra hai
Aina kon tod laaya hai

Naam likha tha patharon pe tera
Hum ne hton se jo mitaya hai

Lakhh socha magar khabar na hui
Chain dil ka kidhar ganwaya hai

Laut aaye kisi ke dar se Batool
Hum ney yun khud ko aazmaaya hai

Fakhira Batool

[Bint E Aadam]

ye baateN jhuuTii baateN haiN, ye logoN ne phailaa’ii haiN
tum Insha jii kaa naam na lo, kyaa Insha jii sauda’ii hain?

haiN laaKhoN rog zamane meN,kyuN ishq hai rusvaa bechaaraa
haiN aur bhii vaj’heN vahshat kii, insaan ko rakhtii dukhiyaaraa

haaN ! bekal-bekal rahtaa hai vo piit meN jisne dil haaraa
par shaam se lekar sub’h talak yuuN kaun phire hai aavaaraa


gar ishq kiyaa hai tab kyaa hai, kyuN shaad nahiN aabaad nahiiN
jo jaan liye bin Tal na sake, ye aisii bhii uftaad nahiiN

ye baat to tum bhii maanoge, vo Qais nahiiN Farhad nahiiN
kyaa hijr ka daruu mushkil hai, kyaa vasl ke nusKhe yaad nahiiN


jo humse kaho ham karte haiN, kyaa “Insha” ko samjhaanaa hai
us laRkii se bhii kah leNge, go ab kuch aur zamaanaa hai

yaa chhoReN yaa takmiil kareN, ye ishq hai yaa afsaana hai
ye kaisaa gorak-dhandaa hai, ye kaisaa taanaa-baanaa hai


ye baateN jhuuTii baateN haiN, ye logoN ne phailaa’ii haiN
tum Insha jii kaa naam na lo, kyaa Insha jii sauda’ii haiN?

[Bint E Aadam]

farz karo hum ehl-e-wafa hon
farz karo deevanay hon

farz karo ye donon batain
jhooti hon afsanay hon
farz karo ye g ki bipta
g se jod sunayi hon
farz karo abi aur ho baki
adhi hum ne chupayi ho

farz karo tumhain khush rakhnay k
dhoondhaay hum ne bahanay hon
farz karo ye nain tumharay
such much k may-khanay hon

farz karo ye rog ho jhoota
jhooti peet hamari ho
farz karo is peet k rog main
saans b hum par bhaari ho

farz karo ye jog bajog ka
hum ne dhong rachaya ho
farz karo bus ye he hakeekat
baki sub kuch maya ho

farz karo haan farz karo

Ibn e Insha

[Bint E Aadam]

Yeh kiss nay kaha tum kuuch karo batain na banaao insha jii
Yeh shehar tumhara apnaa hai issay chorr na jaaoo insha jii

Jitnay bhi yahan kay bassii hain sub kay sub tum say pyar karain
Kya un say bhii munh phair gaye yeh zulm na dhaaoo insha jii

Kya soch kay tum nay sainchee thee yeh kaisar kyaari chahat kii
Tum jin ko hansaanay aaye they un ko na rulaaoo insha jii

Tum laakh sayyahat kay ho dhanii ik baat hamari bhi maano
Koi jaa kay jahan say aataa nahin uss dais na jaaoo insha jii

Bikhraatay ho sona harfon ka tum chaandii jaisay kaghaz per
Phir in main apnayzakhmoon ka mat zehar milaaoo insha jii

Ek raat tou kya woh hashr talak, rakhay gii khula darwazay ko
Kab lout kay ghar tum aaoo gay sajnii ko bataoo insha jii

Nahi sirf Qateel ki baat yahan, kahin Sahir hai kahin Aalii hai
Tum apnay puranay yarron say daman na churrao insha jii

[~*zaib*~]

sharing

[~*Saraabi*~]

Bohat khobsorat sharings sab ki sab ...

Thnx for sharing ...

Keep sharing ...