وہ جو آجاتے تھے آنکھوں میں ستارے

**Rose** · 03-08-2010, 06:22 PM

وہ جو آجاتے تھے آنکھوں میں ستارے لے کر
جانے کس دیس گئے خواب ہمارے لے کر

چھاؤں میں بیٹھنے والے ہی تو سب سے پہلے
پیڑ گرتاہے تو آجاتے ہیں آرے لے کر

وہ جو آسودہ ساحل ہیں انہیں کیا معلوم
اب کے موج آئی تو پلٹے گی کنارے لے کر

ایسا لگتا ہے کہ ہر موسم ہجراں میں بہار
ہونٹ رکھ دیتی شاخوں پہ تمہارے لے کر

شہر والوں کو کہاں یاد ہے و خواب فروش
پھرتا رہتا تھا جو گلیوں میں غبارے لے کر

نقد جاں صرف ہوا کلفت ہستی میں فراز
اب جو زندہ ہیں تو کچھ سانس ادھارے لے کر