نہیں ثانی کوئی دنیا میں اس کا

**Arslan** · 05-08-2010, 02:48 AM

ماں

نہیں ثانی کوئی دنیا میں اس کا
جہاں میں کوئی اس جیسا نہیں ہے

قدر پوچھو تو اس قلبِ حزیں سے
کہ جس کے سر پہ یہ سایہ نہیں ہے

مجھے دِکھلاؤ تو اِک بار لا کر
اگر ماں کی طرح کوئی کہیں ہے

یہ ماں ہی تو ہے جو خود کو بھُلا کر
ہمیں خونِ جگر سے پالتی ہے

لگا کر جان سے سنبھالتی ہے
ہمیں انسانیت میں ڈھالتی ہے

اگر دیکھے ذرا مشکل میں ہم کو
دعاؤں سے مصیبت ٹالتی ہے

ہمیں جانا پڑے جو گھر سے باہر
کرے رخصت دعائیں دے کے گھر سے

مبادا چوٹ لگ جائے نہ ہم کو
نہ ہونے دے ہمیں اوجھل نظر سے

ہمی ہیں اس کی ساری زر و دولت
نہیں مطلب اسے لعل و گہر سے

وجود اس کا ہے اِک انمول نعمت
ہے لازم ہم پہ کرنا اس کی خدمت

بچاتی ہے ہمیں ہر نظر بد سے
لے لیتی ہے خود پہ ہر مصیبت

بہت بد بخت ہے وہ جس نے کھویا
ملا فردوس پانے کا جسے وقت

ہمیں مل جائے خدمت کی سعادت
تو سمجھو کہ یقیناً ہم ہیں خوش بخت

اب اس سے آگے کیا رتبہ بیاں ہو
نہیں مجھ کو زیادہ اس سے طاقت

خدا نے دی ہے اس کو ایسی عظمت
کہ رکھ دی اس کے قدموں میں ہے جنت