Hum Hi Thay Khuwabon Ki Batsi Ko Basaney Waaley
Hum Ne Hi Rait Ke Gharondon Ko Bhi Mismaar Kiya

Jo Reet Ahd-e-Wafa Ki Humeen Ne Daali Thi
Humeen Ne Shehar-e-Jafa Mein Ussey Pamaal Kiya

Iradey Bandhey Humeen Ne Jahan Badalney Ke
Sabaq Humeen Ne Buzdili Ka Jag Mein Aam Kiya

Woh Jiss Ke Naam Say Pehchaan Thi Mairi Ban Mein
Ussi Ke Naam Ko Ruswa Sar-e-Bazaar Kiya

Jo Jaa Ke Phir Kabhi Na Aa Sakey Ussi Pal Ko
Ganwaya Aur Talaash Humeen Ne Baar Baar Kiya …..!!