Baba meri miss ne kaha hey!
Kal se sab aschool k bachey
Ghar me rahein ge,ghar pe parhein ge!

Me ne suna he Aik baray se
kali mooncho'n walay "uncle"
Bacho'n ko daraayn ge!
Bomb laga kr aayn ge!
Bhool gai me Naam Bhala Tha
Shayad "dehshat-gard" Kaha tha!

Baba! Kyun Maarein ge hum ko?
Hum se koi Bhool hui kia!?
Hum se kyun Naraaz hen Uncle??

Baba unko Gurhya de doun!!

Ya phir mere rango'n wali,
Yaad he na wo Neeli dibya,
meri pichli
Saalgirah per
Mujhko aap ne laa ker di thi!!

Aor meri woh Piyari poni !!
Red color ki Titli wali !!
Woh bhi day doo'n !! ??

Phir tou nahi maarein gay mujhko !! ??

Yaad he Baba, aik dafa jb,
mujhko haath pe chot lagi thi,
Bohat zayada dard hua tha,
Thora sa khoo'n bhi nikla tha,
Bohat zayada roii thi me,

Kia yeh Bomb Braa hota he ??

Bohat zyada chot lagey gi ??

Dard bhi shaayad Zyaada ho ga!!

"Baba Mujh Ko Darr Lagta Hai