Teri Hijraton Ka Malaal Tha Magar Ab Nahin

Mujhe Sirf Tera Khayaal Tha Magar Ab Nahin

Teri Bemisaal Mohobbaton Ke Nisaab Main

Tu Zamaane Bhar Main Misaal Tha Magar Ab Nahin

Jisay Tu Ne Dard Ataa Kiya Wohi Aadmi

Teri Qurbaton Main Nihaal Tha Magar Ab Nahin

Main Teri Talaash Main Raiza Raiza Bikhar Gaya

Wo Junoon_E_Shoq_E_Wisaal Tha Magar Ab Nahin

Tere Dar Pe Aakhri Baar Aaa Ke Palat Gaya

Meri Zindagi Ka Sawal Tha Magar Ab Nahin