*~A love Letter ! *~
Suno Jandub Shah !
Mujhey Aj tumse buhut kuch kehna hai.wos sari batein jo tum samajh nahiin paye ya phir mein tumheinkabhi samjha hi nahiin payi,aur tumharey dil mein narazi aur shikwe janam patey rahey,magar mein tumhein bataon shah !
Tumhari yeh narazi yeh shikwe najaiz hain,tum meri mohabbat ko kabhi samajh hi nahiin paye,tumhein lagta ahi jandub shah ke mere liye rishtey humesha tumse zyada ahmiyat ke hamil rahey,meine humesha rishton ko tum per foqiyat di,tu aisa nahiin hai shah !
haan mere nazdeek mere rishtey mere liye buhut aham hain main unse buhut mohabbat karti hoon ke unki aik alag jaga hai apni aik alag ahmiyat hai,magar jandub shah tum tu meri sanson mein bastey ho tumhari mere dil mein jo jaga hai usey koi nahiin le sakta..wahan tum abaad ho aur wahan tumhein hi abaad rehna hai,tumhein nahiin pata ke main tumse kitni mohabbat karti hoon..shayad tum ab tak meri mohabbaton ka andaza nahiin kar paye,tumney mere sirf aik roop ko hi mehsoos kiya ke rishton se walhana mohabbat aur unki parwah karna mera qasoor tehra aur yeh baat tumhein mujhsey badgumaan kar gayi...
tumhein lagta hai ke mujhey tumhari koi parwah nahiin..tumhein lagta hai ke mere nazdeek humari mohabbat ki koi ahmiyat nahiin..ghalat sochtey ho tum..mera dosra roop bhi tu dekhtey shah....jo mohabbat hi mohabbat hai...sartapa mohabbat...meri palkon ka uthna girna sirf tumharey liye hai...meri har saans mein tumhara naam likha hai..kya yeh kafi nahiin shah ke jahan tumhara ziker hota hai mujhey dheron haya gher leti hai,tumhein dekh kar meri palkein larazney lagti hain aur meri gardan haya se bojhal ho ker jhuk jati hai...kia yeh kafi nahiin shah ke tumharey naam ki mehendi mere hathon mein rachi hai,kya yeh kafi nahiin shah ke mein tumse mansoob hoon???key meri sari wafayein tumharey naam hain...kya tumhein ab bhi lagta hai shah ke meri mohabbat mein koi kami hai ya mein mohabbat ke saath nainsaafi kar rahi hoon??? mujhey tumhari buhut parwah hai shah...agar mujhey tumhari parwah na hoti tu aaj shadi se do din pehlay tumhein apney heenna alood hathon se yeh khat na likh rahi hoti .....
Mohabbat ko tolney ka koi tarazo nahiin hota shah !
Tum humari mohabbat ko Is tarhan mat tolo..mohabbat tu mohabbat hoti hai shah khiley huye Gulaab ki manand jo har taraf khushboo bikherti hai kam aur zyada ke nuqsaan se be parwah hoker..mohabbat ki aisi koi qaid nahiin hoti...aur ab mujhey yaqeen hai shah ke tum meri mohabbat ki gehraiyon ko samajh lo gey..mein us waqt ka intezaar karongi shah ke jab tumhein meri mohabbaton ki shiddat ka andaza ho jaye ga !
Faqat,
Tumhari Mankooha,
Muskaan !
written By:Mishaal Ahmed
sachiidosti.com
Reply With Quote