Muddat Se Yehi Jaan-e-Ada Soch raha hon
Tum Kaise Hoe Mujhse Juda Soch Raha hon


Shikwa nahi Tumse, Na khud se koi gilah hai
Ulfat Mai hui kis se Khata Soch Raha hon


Mur Ke nahi Dekhta tha Alag baat hay Lekin
Jaate hoe aai thi sada ? , Soch raha hon


Ab tere Siva Khuda se Kiya Mangun ?
Hatth uth to gae hain, Dua Soch raha hon


Jis ne Bhi kabhi Duniya mei Sach kaha hay
Kiyon Log Hoe Us se Khafa , Soch raha hon !!