Kya khabar thi, maar de ga zindagi jeenay ka shoq
Mujh ko tanha kar gaya hai dosti karnay ka shoq

Go meri aoqaat jugnoo ke baraabar bhi nahi
Par hai sooraj se zyada roshani karnay ka shoq

Jab se chooma hai jabeen ne aap ki dehleez ko
Meray dil may barrh gaya hai bandagi karnay ka shoq

Janay kis barsaat ki maqrooz hain aankhein meri
Ho gaya hai barishon ki pairwi karnay ka shoq