Salam Friends
Friends Hamara Ek Dost Mohsin Jo Hamesha Bari Bari Baatein Karta Tha
Itni Lambi Lambi Chorta Tha Ke Abhi Kiya Bataaoun
Mohsin Ko Cricket Khelne Ka Bohot Shoq Tha
Un Dino Mere Ghar Main Bhi Koyi Na Tha Aur Sub Lahore Gaye Huye Thay
Ye Waaqiya Aaj Se 3 Saal Pehle Ka Hai
Phir Ek Din Shaam Ko Hum Dost Snooker Club Main Baithe Huye Thay
Ke Achanak Mohsin Aaa Gaya Aur Kehne Laga Yaar Sajid Aaj Mera
Ayub Stadium Main Match Tha 205 Pe Out Ho Gaya Aur 20 / 20 Overz
Thay Main Opner Hi Raha Har Bol Pe 6 Maara
Maine Kaha Wah Yaar Teri To Baat Hi Kiya Hai Baaki Dost
Hansne Lag Gaye Maine Unhein Chup Karaaya Ke Achanak Mohsin
Ko Josh Char Gaya Aur Kehne Laga Aaao Snooker Main Kaun
Muqaabla Kare Ga Snooker Club Dost Ka Tha Aur 12 Tables Pare Thay
Maine Apne Dost Zahir Khan Jis Ka Snooker Tha Maine Kaha
Yaar Tu Ek Table Khaali Kara Phir Maine Mohsin Ko Kaha
Yaar Snooker Khelein Ge Lekin Ek Shart Hai Agar Main Haara To Club Main
Jitne Bhi Dost Hain Sub Ko Burger + Cock Ok Aur Agar Tu Haara To Sub
Doston Ko Burger + Cock Us Bchaare Ke Ye Sunte Hi Hosh Urr Gaye
Lekin Bechaara Challange Kar Chuka Tha Aur Usay Apni Izzat Bhi
Bachaani Thi Is Liye Ab Usay Khelna Para Maine Kaha Mohsin Tu 20
Scorez Chance Lele Us Ne Kaha Nahin Khair Hum Khel Rahe Thay
Maine 30 Ka Brack Maar Diya Aur Bechaara Mohsin Hahahahaha
Shakal Dekhne Waali Thi Achanak Us Ne Mobile Nikaal Ke Kaha
Yaar Snoocker Ke Baahir Dost Aaya Hai Mujhe Jaana Pare Ga
Maine Kaha Tu Tension Nahin Le Tere Dost Ko Yahin Bula Lete Hain
Maine Ek Dost Ko Baahir Bheja Aur Mohsin Ke Dost Ke Saath 8 Larke
Aur Bhi Thay Jo Meri Salam Dua Waale Thay Maine Unhein Bhi Bata Diya
Unhaun Ne Kaha Haan Yaar Aaj Is Ki Showbaazi Band Kara De
Muqaabla To Khair Chal Raha Tha To Mohsin Mujhe Ishaare Kar Raha
Hai Ke Plz Haar Jaa Lekin Maine Usay Maza Chakhaana Tha
Is Liye Maine Usay Chance Nahin Diya Aur Aakhir Kaar Main Jeet Gaya
To Mohsin Kehne Laga Tum Laug Baitho Main Order De Kar Aata Hoon
Lekin Maine Apne Ek Dost Ko Keh Diya Tha Ke Mohsin Ke Naam Ka Order
De De Ab Hum Kull Mila Kar Total 23 Dost Baithe Thay Mujhe Man Hi Man
Hansi Bhi Aaa Rahi Thi Aur Mohsin Bechaare Par Tars Bhi
Jub Us Ne Dekha Total 23 Dost Hain Uff ALLAH Kiya Bataaoun
Us Ki Shakal Dekhne Waali Thi HAHAHAHAHAHAHAHAHAHA
Mohsin To Wahan Se Chaplein Utha Kar Aise Bhaaga Ke Aaj
Tak Kabhi Snooker Club Ka Naam Nahin Liya Lekin Sunein
Us Ke Baad Huya Kiya Saare Burger + Cock Ka Bill Mujhe Bharna
Para Mere Ghar Main Bhi Koyi Na Tha Jis Se Main Doobara Paise Leta
Aur Mujhe Bhi Apna Kharcha Chalaana Tha Khair Maine
Saare Paise De Diye Phir Us Ke Baad Meri Shakal Dekhne Waali Thi
Dil Chah Raha Tha Mohsin Ke Ghar Jaaoun Aur Khoob Baizzat Karoon
Lekin Bardaasht Karna Para Aur Main Khaamosh Ho Gaya
Jis Ki 1 Maheene Ki Pocket Money Ek Din Main Khatam Ho Jaaye Us Ka
Haal Kiya Hoga Man Hi Man Mohsin Ke Uper Gussa Bhi Bohot Aaa Raha
Tha Lekin Kuch Kar Bhi Nahin Sakta Tha
Us Ke Baad Mere Paas Total 300 Rupe Reh Gaye Thay
Maine Socha Mohsin Ko Maza Chakkhana Chahiye
Theek 3 Din Baad Main Mohsin Ke Ghar Pohoncha Byc Pe
Aur Us Ke Ghar Ki Ghanti Bajaayi To Us Ki Ammi Ne Darwaaza Khola
Maine Aunti Ko Salam Kiya Aur Aunti Se Kaha Aunti Plz Mohsin
Ko Bula Dain Bohot Zaroori Kaam Hai Mohsin Soya Huya Tha
Aur Sakht Garmi Thi Aur Mere Khayaal Se Dupehar Ke 3 Baj Rahe Thay
Mohsin Ne Kaha Yaar Sorry Us Din Emergency Ho Gayi Thi Is Liye
Mujhe Jaana Para Maine Mohsin Ko Kaha Us Ko Bhool Jaa
Jaldi Aaa Match Hai 5000 Rupe Ka Us Ko To Cricket Ka Shoq Tha
Us Ne Kaha Ruk Mujhe Paise Uthaane De Aur Moo Haath Dhone De
Maine Kaha Us Ki Zaroorat Nahin Hai Bus Tu Chal Us Ne Bhi Ammi Ki
Chappal Pehni Huyi Thi Us Ne Kaha Yaar Mujhe Chappal Change Karne De
Maine Kaha Wahan Sub Kuch Hai Dair Ho Gayi Hai Bus Jaldi Chal
Un Dino Quetta Main Byc Pe Double Sawaari Pe Pabandi Thi
Lekin Mera Mohsin Ke Uper Gussa Bhi Tha Aakhir Kaar Police Se
Bachte Bachaate Hum Ayub Stadium Pohonche Shayad Aap Laugon
Ne Ayub Stadium Ka Naam Suna Ho Ek Hi To Stadium Hai Quetta Main
Khair Hum Stadium Pohonche Maine Mohsin Ko Kaha Mohsin
Tu Ground Main Jaa Main Byc Stande Pe Laga Ke Aata Hoon
Us Ne Kaha Theek Hai Wahin Se Main Ghar Pohoncha Ghar Waale
Waise Bhi Lahore Gaye Huye Thay Maine Bhi Ghar Ko Taala Lagaaya
Aur Aunti Ke Ghar Chala Gaya Lekin Wo Mohsin Bechaara Us Ke
Paas To Waapsi Ke Karaaya Bhi Nahin Tha Aur Paidal 1 Ghante Se Bhi
Zyaada Ka Raasta Tha Aur Us Ne Chappal Bhi Ammi Ki Pehni Thi
Maine Jaa Kar Saara Kissa Apne Coison Ko Bataaya Jis Ka Aap Se Zikar Kiya
Tha Jo Mera Coison Agwa Huya Tha Shahbaz Jo ALLAH TAALA Ke
Rehm_O_Karam Se 3 Din Pehle Hi Kher Kheriyat Se Aaa Gaya
Us Ko Maine Saari Baat Bataayi Aur Phir Hansi Ke Baagon Main
Aise Gum Huye Ke Pata Na Chala Ke Hamari Aankhon Main Aansoo Aaa Gaye
Hans Hans Ke Aur Bechaara Mohsin Pe Tars Bhi Aaa Raha Tha
Lekin Hansi Us Se Zyaada Aaa Rahi Thi
Saare Doston Ko Maine Bata Diya Tha Ke Mohsin Ko Na Bataaye Ke Main
Kahan Hoon Warna Aaa Kar Jo Hungama Kare Ga Phir Hamara ALLAH Hi
MAALIK Lekin Jub Main Ek Hafte Baad Ghar Aaya To Sun Ke Ye Bohot
Afsos Huya Doston Se Ke Mohsin Hospital Main Hai Ek Chota Sa Mazaq
Mujhe Bohot Bhaari Par Gaya Maine Doston Se Kaha Koyi To Mujhe
Bataata Tum Laugon Main Se Kisi Ne Bhi Bataaya Jub Main Hospital
Pohoncha To Pata Chala Ke Mohsin Sakht Garmi Bardaasht Nahin Kar Sakta
Aur Musalsal Paidal Chalne Se Usay Bemaari Ho Gayi ( Doctar Ne Bemaari Ka Naam )
Pata Nahin Kiya Bataaya Tha Yaad Nahin Aaa Raha Hai ( Lekin Mujhe Apne Uper
Afsos Ho Raha Tha Kaash Main Ye Mazaq Nahin Karta Kaash Mohsin
Us Din Mere Saath Nahin Chalta Man Hi Man Ajeeb Ajeeb Khayaal Aaa Rahe Thay
Ke Achanak Mohsin Ki 8 Saala Bahan Mere Paas Aayi Wo Mujhe ( Pyaare Bhaya )
Kehti Thi . Us Ne Mujh Se Kaha ( Pyaare Bhaya ) Mohsin Bhai Ko Kiya Huya Hai
Wo Hum Se Baat Kyun Nahin Karte Dekho Kab Se Bistar Pe Lete Huye Hain
Us Ka Ye Kehna Tha Ke Meri Aankhein Aansoo Se Bhar Gayi
Us Din Mujhe Uper Itna Gussa Tha Ke Dil Chah Raha Tha Jaa Kar Kahin
Mar Jaaoun Pahaar Se Chalaang Laga Doon Aur Pata Nahin Kiya Kiya
Lekin Ye Sub Main Kar Bhi Nahin Sakta Tha Lekin KHUDA Ka Shukar Hai
Ke Us Waqt Mohsin Ko Hosh Aaya Main Us Ke Paas Gaya Ke Meri Aankhon
Main Phir Aansoo Aaa Gaye Maine Mohsin Se Tah_E_Dil Se Maafi Maangi
Aur Mohsin Ko Bhi Samjhaaya Ke Bhai Aayinda Ke Baad KHUDA Ke Liye
Bari Baatein Mat Karna Mohsin Ne Bhi Mujh Se Vaada Kar Liya KHUDA Ka
Laakh Laakh Shukar Tha Ke Mohsin Ab Sahi Salaamat Tha Us Waaqiye Ke
Taqrebann 4 Din Baad Ghar Waale Aaa Gaye Aur Maine Ghar Waalon Ko
Saara Haal Bata Diya Ghar Waale Gussa Bhi Huye Lekin Ghar Waalon Ne Kaha
Ke Teri Ek Ghalati Ne Mohsin Ko Sudhaar Diya Us Ke Ek Hafte Baad
Hum Laugon Ne Wo Ghar Baich Kar Doosri Jaga Par Ghar Le Liya
Wahan Se Hamara Puraana Moholla 15 ( Mint ) Ke Raaste Par Tha
Lekin Wahan Ab Aana Jaana Kam Ho Gaya Lekin Jub Bhi
Us Waaqiye Ko Yaad Karta Hoon To Saare Dost Yaad Aaa Jaate Hain
Jin Ke Saath Mera Saara Bachpan Guzra Aur Qudrat Ne Ek Pal Main
Humein Alag Kar Diya Aana Jaana To Ab Bhi Hota Hai Lekin Bohot Kam
Doston Maine To Is Se Ye Sabaq Seekha Hai
Ke Insan Kare To Kiya Kare Dost Ko Agar Sabaq Seekhaana Chaahe
To Kaun Sa Raasta Ikhtiyaar Kare
Lekin Sub Se Acha Raasta Yehi Hai Ke Us Dost Ko Ghar Main Bula
Kar Pyar Se Samjhaaye Ke Bari Baatein Mat Kiya Karo Sub Hanste Hain
Tum Par Aur Tumhari Apni Bhi Baizti Hain Is Main Shayad Wo Samajh Jaaye
Aur Bari Baatein Karna Chor De
Doston Ab Jub Bhi Mohsin Waali Baat Yaad Aati Hai To Hansi Aaa Jaati Hai
Lekin Jub Mohsin Ki Haalat Pe Nazar Jaati Hai To Tarap Jaata Hoon
Is Liye Aap Sub Se Guzaarish Hai Ke Agar Aap Kisi Se Bhi Mazaq Karein
To Soch Samajh Kar Mazaq Karein Mazaq Aisa Ho Ke Doosre Ka Dil Bhi
Na Toote Aur Hamari Baat Bhi Reh Jaaye Na Aisa Ke Mazaq Se Dost
Ki Jaan Pe Ban Aaye
Ab Doston Mujh Ko Ijaazat Dijiye Aaj 14 Feb Hai Time 6 : 40 AM Ho Rahe Hain
Mujhe Neend Aaa Rahi Hai Is Tarah Zindagi Main Bohot Hansi Mazaq
Waale Kisse Main INSHALLAH Zindagi Rahi To Aap Sub Ke Saath Zaroor
Share Karoon Ga
Aur Haan Ek Baat Kisi Dost Ke Saath Sangeen Mazaq Karne Se Pehle
100 Baar Soch Lijiye Ga
Ab Mujhe Ijaazat Dain
Aap Sub Ka Dost
Silent Tears ( Sajid )
Reply With QuoteOriginally Posted by baqarkashmiri
q k aaap chips kha rahay thay aur un se poocha bhi nahin is ilye
NO Fear!Champ is Here
Re: ***dil Ki Aik Yaad***
IT GOES ON
Posting Permissions
