tumhara aks hoon main

[Safah-e-Qartas]

Na sham hoon na shabistaan,tumhara aks hoon main
K jo kuch bhi hoon meri jaan,tumhara aks hoon main
.
.
Thehr gaye meri palkon pe yaas k moti
Fasana dil-e-veeraan,tumhara aks hoon main
.
.
Raha na koi mera dard baantnay wala
Aey shehr-e-bay sarosaamaan,tumhara aks hoon main
.
.
Main kirchiyon ki tarah kiss tarah bikhar jaaun?
Main aaina nahin jaana,tumhara aks hoon main
.
.
K laug aur kissi naam se pukarain kiyun?
Hai meri sirf yahi pehchan,tumhara aks hoon main
.
.
Main ab bhi sham-o-sehar muskurata rehta hoon
Agarcha aey gham-e-doraan,tumhara aks hoon main
.
.
Nahin hai raas koi nakhl-e-saaya daar mujhe
K raig-e-dasht-o-bayabaan,tumhara aks hoon main
.
.
Ab aainay mein mujhe dekh kar na sharmaao
Kaha nahin tha meri jaan,tumhara aks hoon main
.
.
K ab wisaal ki khawahish nahin rahi dil mein
Garani shab-e-hijraan,tumhara aks hoon main
.
.
Agar khizaan ki tarah hoon tau apna aks hoon main
Agar hoon rang-bahaaraan,tumhara aks hoon main
.
.
Baja k ab tau meri apni koi shakal nahin
Har ik khayyal k mehmaan,tumhara aks hoon main
.
.
Sulagta rehta hoon,apni hi aag mein WASIQ
Mazaar-E-Gham k charaghaan,tumhara aks hoon main....!!!

[naz]

[~*zaib*~]

zaberdast

[DaNgErOuS tEaRs]

Brilliant