wo ik shaks jis ki annkho mein tha ghera udasiyo ka deRa
jany kab utar gayi ye udasyia mery andar,mughy yaad nahi

wo pyaar mein hara hua tha ya pyaar ka tarsa hua
mein ne uss per apna pyaar lutaya per paya kya,?mughy yaad nahi

qadam qadam per thokar khata wo shaks tha bht bikhra hua
ussy sametaty samataty mein kahan kab? kuin? bikhar gayi,mughy yaad nahi

betha rehta tanha ghabra uthta wo Mehfil mein
mughy kiun or kab hui tanhai azeez, mughy yaad nahi

na uss ki manzil thi na koi Rastaa
mein kuin banti chali gayi us ki RAh, mughy yaad nahi

uss shaks ko sikhaya phir mein ne Muhabbat karna
kese ho gayi Qaid mein ussi ki Muhabbat mein,mughy yaad nahi

wo abhi abhi gaya tha mughy 'intezar karna' keh kar
mein kabb se wahin ki wahin khari hun,mughy yaad nahi

wo ajnabi musafir tha shaid badal gaya apni rah
per mugh se khaan kya galti hui, mughy yaad nahi

uss shaks ko jisse mein ne chaha bht wo zindagi banna
per kab kuin mein ''wo udass bikhra shaks'' ban gayi,mughy yaad nahi...

SaniYa