Reply With Quote
Re: Winner Of Writer Club Comp Nov 2010
Chakori Sharing.
Asalam Alekum mery pyaray papa
aj phir ankh bher ai hai..bahut udas hoon..per apko kiya ap tou us dais chaly gaey jahan sey koi nai ata..mujay maloom hai ALLAH pak nay apko apni rehamtoon mai panah di hai ...per mai kiya keron muj sey tou mera saiban hi uth giya hai...jannat tou hai per us ki kunji hi muj sey kho gai hai.,,papa jani ap tou meri her takleef ko , meri her preshani ko apni duaoon or shafqat bhary lams sey door ker diya kerty thay..kyun mujay mehroom ker gaey ap apni shafaqt sey or duaaon sey..
mujay pata hai ye mera khat ap tak phonch jaey ga..ap perh ker dheery sey muskrain gay or kahin gay hai na pagli meri beati..abhi tak papa jani ko dhondhti hai..phir ap apni duaon ki barish muj per ker dain gay....per ...per..per papa jani mai kasey jan paoon gi keh ap ab bhi apni iss beati ko duaa deaty hain ...is kay dukh or khushi mai is kay sath hain ..kasey ..kasey papa jani ...bolain na !!!
ankh tou meri us waqt bhi bher ati hai jub mai kisi bhi lerki ko college jaty deakhti hoon..yad ajata hai mujay wo waqt jub subha sawery school or college kay liye ready hoti thi tou ap mery sath sath porey gher mai nashta hath mai liye chaker lagaty thay or apnay hathoon sey niwaly bana bana ker khilaty thay...akser ye kaam mama kiya kerti hain per mujay tou hameshan ap ne hi apnay hathoon sey nashta kerwaya hai..
ankh tou uswaqt bhi bher ati hai jub mai kisi bhi beati ko apny baba sey nakhry kerty or zid kerty deakhti hoon..yad hai na mama kitna ap sey lera kerti thin keh ap meri her bat maan ker mujay zidi or hut dharam bana rahy hain..tab ap bary sakoon sey mujay apney seeny sey laga ker kaha kerty thay ye mera maan hai ..meri izat hai meri khushiyon chupi hain is ki shirartoon or zid main...ye mera fakher hai...tab mama asey chup ker jati thin jasey un ko bolna ata hi na ho.. or mai bary gharoor sey sir utha ker porey gher mai chala kerti thi keh papa ki pari hoon mai ....
mujay abhi tak yaqeen kyun nai ata keh mera saiban meri jannat ki kunji muj sey bahut door chali gai hai..ghantoon roti hoon or jub mama kehti hain na keh dua kero baba jani key liye tab mai dua tou kerti hoon per muu sey apki lambi zindgi or sehat ki hi dua nikalti hai..
mai ab bhi gher jub jati hoon tou mujay ap gher kay gate pe tehlty dikhai dety hain or johin mai gher mai enter hoti hoon tou apki awaz ati hai beta tera baap ab itna inzar nai ker sakta itnay din na lagaya kero jaldi jaldi ajaya kero milnay ..per ye sirf aik bazgasht hi hoti hai ap kahin nai dikhai deaty...kyun papa jani kyun gaey ap mujay chor ker ? bolain na...sun rahy hain na ap meri sab batain tou jawab bhi dain na....mujay apnay is khat ka jawab chahiye papa jani
jawab ki muntazer apki beati.
Originally Posted by naz
