~SOS competition 4 JAN 2011~

[zeeno]

ham b try karai gay....

[zeeno]

shab e siaa'hh mera hausla barhati rahi
charagh bujhtay rahay aur mai jalaati rahi


wafa to jazba tha lekin na janay kyu'n dunya
zara si baat ko ik dasta'n banati rahi


mai khush rahi to dar o baam bhi bhalay se lagay
udhar darakht ki chirhya bhi cheh'chahati rahi


kisi k aanay ka tha vas'vasa khayalo'n mai
tamaam raat hawa ghar k da'rr bajati rahi


mujhay khabar thi k wo laut kar na aayega
zuba'n khamosh rahi aur nazar bulati rahi
kabhi jo ghirr k ghata aa gai barasnay ko
meri ye tuti hui chhatt mujhay daraati rahi


kabhi kabhi to akailay mai betth kar SARWAT
khud apnay aapko apni ghazal sunati rahi

[мιѕнααℓ]

mohabbatoN main har aik lamha visaal ho ga, ye tay huaa tha
bichaR ke bhi aik doosrey ka khayaal ho ga, ye tay huaa tha

wo'hi huaa na, badaltey maosam main tum ne hum ko bhula diya hai
koii bhi rutt ho na chaahatoN ko zawaal ho ga, ye tay huaa tha

ye kya ke saaNseiN ukhaR gaii haiN safar ke aghaz se hi yaro
koi bhi thak kar na raastey ma niDhaal ho ga, ye tay huaa tha

juda huye haiN to kya huaa phir ya'hi to dastoor-e-zindagi hai
judaaiyoN ma na qurbatoN ka malaal ho ga, ye tay huaa tha

chalo ke Faizaan kashtiyoN ko jala deiN gumnaam saahiloN par
ke ab yahaaN se na waapsi ka sawaal ho ga, ye tay huaa tha

[SenoriTa]

Mishh ap ne edit kiun ki apni ghazal?

[мιѕнααℓ]

Mishh ap ne edit kiun ki apni ghazal?

hmm meine us mein spelling wagera ki mistakes edit ki hain...

woh allowed hain

[SenoriTa]

hmm okk:Rosee:

[Zindagi]

Kahaan jaa chhupaa hai? Pukaar sun!
Meyrey hamnasheen, meyrey yaar, sun!!

Shab-e-wasl, ab bhi jawaan hai;
Aa nazar mein, yoon hi na haar, sun!

Rawaan reig sey na yoon khouf khaa;
Rah-e-ishq hai tah-e-khaar, sun!

Mujhey lamhah eik dey deed ka;
Yeh naqaab-e-syaah utaar: sun!

Na safeenah chhorh, ae naakhudaa,
Sarey bahr hai abhi pyaar: sun!

Yeh sadaa-e-dil hai: nidaa hai yeh!
Meyree maan: eik hi baar sun!!

'Abd', yoon to, dour-e-khizaan mein hai;
Magar, aa rahee hai bahaar: sun!

[Ruby Ahmed]

[shaan]

WISAAL E YAAR

Ajab apna Haal hotaA jo wisaal-e-yaar hota
kabhi jaan sadqe hoti, kabhi dil nisaar hotaa

koi fitna ta-qiyAamat na phir aashkaar hotaa
tere dil pe kaash zaalim mujhe ikhtiyar hotaa

jo tumhari tarah tum se koi jhoote wade kartaa
tumhin munsifi se kah do, tumhein aitibar hotaa

gham-e-ishq mein maza tha jo use samajh ke khaate
yeh woh zehr hai ke aakhir mai-e-Khushgawaar hotaa

na maza hai dushmani mein, na hi lutf dosti mein
ko_ii ghair-ghair hotaa, ko_ii yaar-yaar hotaa

ye mazaa thaa dil-lagii kaa ke baraabar aag lagtii
naa tujhe qaraar hotaa, naa mujhe qaraar hotaa

tere wadey par sitamgar! abhii aour sabr karte
agar apnii zindagii kaa hameiN aitibaar hotaa

ye woh dard-e-dil nahin hai ke ho charah-saaz koi
agar aik baar mittaa to hazaar baar hotaa

gaye hosh tere zahid ! jo wo chashm-e-mast dekhi
mujhe kya ulat na deta jo na bada-Khwar hotaa?

mujhe maante sab aisaa, ke udoo bhii sajdah karte
dar-e-yaar kaaba bantaa, jo miraa mazaar hotaa

tumhen naz ho na kyun kar ke liya hai "Dagh" ka dil
ye raqam naa haath lagtii, naa ye iftiKhaar hotaa

[DexteR]