*** YUNHI FASLON KO SAJAYE RAKH ***


Yunhii Faslon Ko Sajaye Rakh
Yunhii Intezar Rehnay De
Mery Zehan-o-Dil k Sakoon Par
Mera Ikhtiyar Rehnay De

Teri Chahton Ka Jo Dard Hay
Mujhay Sab Khushi Se Qabool Hay
Chashm-e-Nam Ka Gumaan Na Kar
Mujhay Ashk Baar Rehnay De

Teri Bey Basi b Baja Sahi
Meri Khush Fehmi b Ghalat Nahi
Tujhay Har Qadam Pe Khushi Milay
Mujhay SogWaar Rehnay De

Teri Guftagu Mein Jo Dard Hay
Vohi Dard Mera Naseeb Hay
Main Bhula Chuka Hoon Qarar Ko
Mujhay Bey Qarar Rehnay De...!!!