rag-rag meN mire dil kii bajne lagii shahnaaii

[Hashmat Usmani]

salaam dosto aur dostanyo ]

ummeed hai k mizaaj-e-giraamii ba_Kahir o 'aafiiyat hoNge. aapkii Khidmat emn apnii ek dai'reena Ghazal pesh karne kii jasaarat kar rahaa huN is ummeed e qawii ke saath k aapkii taba'-e-naazuk par baar-e-giraaN na guzregii. aapkii aaraa, tanqees o tanqeed kaa shiddat intizaar rahegaa...shukria

faqat Khaak-nashiiN,

_______Hashmat
____________________________________________________________ _

1.
paate hii jhalak unkii dil ban gayaa saudaaii
ik pal kaa nazaarah thaa, ik 'umr kii rusvaaii

2.
jis_dam tu uThii so kar, lete huye jamhaaii'
hai mauj-e-balaa, be_shak, zaalim! tiri angRaaii

3.
chiTkii thii kalii ik_din, thaa saaraa chaman raqsaaN
aayaa thaa koii jaise gulshan meN bahaar aaii

4.
chhip chhip ke raheNge vo parde meN nihaaN kab_tak?
dekheNge sar-e-mai'Hshar ik_din unheN shai'daaii

5.
aaGhaaz se Khilqat ne DhoonDhii hai, magar kis ne
paaii hai kahaaN unke altaaf kii gai'hraaii

6.
ik qatra nahiiN KhuuN kaa, dil ban gayaa sai'Hraa saa
'onqaa hai jahaaN Hasrat juuN laala-e-sai'Hraaii

7.
andaaz-e-sitam_gaarii dunyaa se niraalaa hai
hai unke karam meN bhii ik Khoobii-e-yak_taaii

8.
dam bhar na rahe jinke dam_bharne se Ghaafil ham
dekho to naseeb apnaa! nikle vohii harjaaii

9.
yeh bhii to karam hai ki zaKhmoN ko jilaate haiN
hai unkii jafaa meN bhii, andaaz-e-MaseeHaaii

10.
maKhmoor nigaaheN jab Saaqii kii uThiiN mujh par
rag_rag meN mire dil kii bajne lagii shai'hnaaii

11.
kab saamne aa kar vo, "Sai'hbaa Ji" miTaayeNge
din_raat kii be_taabii, dard-e-Gham-e-tanhaaii

[~*zaib*~]

wah wah kia maara hai ...........

jus kidding
such arealy nice wrk
keep it up ...

[Hashmat Usmani]

wah wah kia maara hai ...........

jus kidding
such arealy nice wrk
keep it up ...

thankoo Zaib...bas dekhtii raho kahaN akhaN se laa kar tukkaa maruuNgaa

[~*zaib*~]

jo bhi karna bas ham pay reham karna .....

[Hashmat Usmani]

jo bhi karna bas ham pay reham karna .....

lo kar lo baat ab tum par raHm kiyaa to poetry kis ko sunaauuNgaa? kisi gadhe ko?

[Hashmat Usmani]

a re-run of this Ghazal.

[thefire1]

Walaikum Assalaam @Hashmat Usmani;

Ab tou yeh ghazal 'Daireena' kay bajayay 'Dair-say' hogayii hay aur yaqeen karain aap kay alfaaz humarii taba'a-e-sakht per aik 'khushgawar' muskurahat bikhair gayay... infact woh ANGRAYII waala sha'air paRh kar tou 'Qateel sahab' ki yaad aagayiii..

Achii poetry kartay hain aap, isi tarah likjtay rahay aur hum sab say share kartay rahyeh, khush rahyeh.

[*jamshed*]

zabardast