Saath Nibhaane Walaa

[Killer]

Dhuup ke saath gaya saath nibhaane walaa
ab kahan aayegaa wo laut ke aane walaa


Ret par chhor gayaa naqsh hazaaron apne
kisi pagal kii tarah naqsh mitaane walaa


Sabz shaakhein kabhi aise to nahin chikhati hain
kaun aayaa hai parindon ko daraane walaa


Aariz-e-shaam ki surkhi ne kiya faash usey
pardaa-e-abr mein tha aag lagaane walaa


Safar-e-shab ka taqaazaa hai mere saath raho
dasht pur_haul hai tufaan hai aane walaa


Mujh ko darpardaa sunaataa raha qissaa apna
agale waqton ki hikaayaat sunaane walaa


Shabnami ghaas ghane phul larazati kiranein
kaun aayaa hai khazaaon ko lutaane walaa


Ab to aaraam karen sochati aankhein meri
raat ka aakhiri taaraa bhi hai jaane walaa

[akiller]

Aariz-e-shaam ki surkhi ne kiya faash usey
pardaa-e-abr mein tha aag lagaane walaa

wah wah wah..