Mashur-e-Zamana Mera Qaatil

[Killer]

Zaalim tha wo aur zulm ki aadat bhi bahut thi
majabuur thy ham us se muhabbat bhi bahut thi


Us buut ke sitam seh ke dikhaa hi diya ham ne
go apni tabiyat mein bagaawat bhi bahut thi


Waaqif hi na tha ramz-e-muhabbat se wo warnaa
dil ke liye thori si inaayat bhi bahut thi


Yun hi nahin mashur-e-zamana meraa qaatil
us shakhs ko is fan mein mahaarat bhi bahut thii


Kyaa daur-e-ghazal tha ke lahuu dil mein bahut tha
aur dil ko lahuu karne ki fursat bhi bahut thi


Har shaam sunaate thy hasiinon ko ghazal ham
jab maal bahut tha to sakhaawat bhi bahut thii


Bulawaa ke ham 'Ajiz' ko pashemaan bhi bahut hain
kyaa kijiye kambakht ki shoharat bhi bahut thi

[R. M. Dixit]

Kya dauar-e- ghazal tha ke dil main lahu bahut tha

Subhan Allah. Kamaal ka kalaam
pesh kiya Miyan aapne.

Hai aur abhi duniya main sukanwer bahut ache
kahte hain ki killer ka andaze bayan aur.

[SenoriTa]

Zabardastt as always

Waaqif hi na tha ramz-e-muhabbat se wo warnaa
dil ke liye thori si inaayat bhi bahut thi:clap:

[Killer]

thank you RM bhai... boht bara comment hay mujh jese insan k liy thank u so much,

Thanks santi