Udaasi Mai Wo Acha Lag Raha Tha

[Seven Tiles]

Hi....
Friends.....
Kafi Time Baad Thread Lagaya Hay....



Andhairoon Se Bhara Wo Din Bhi Kia Tha?
Kay Soraaj Bhi Sitara Lag Raha Tha

Jisay Pal Bhar Laga Hai Bholnay Mai
Wo Sadiyoon Se Humara Ashana Tha..!!

Meri Tanhai Ne Lub Sea Leye Thay
Udaasi Ka Samander Goonjta Tha..!!

Hawa Kis Bholpun Se Pochti Hai
Meray Gher Ka Dia Kaisay Bujha Tha

Bhanwer Ne Ankhain Cheel Daleen
Wo Daryaoon Mai Motti Dhondhta Tha

Usay Milna Saleeboon Ki Gali Mai
Usey Kehna Wo Sach Kiyon Bolta Tha

Badan Mai Tha Kay Gher Mai Zalzalla Tha
Mera Saya Bhi Chat Se Gir Para Tha

Meray Jaltay Howay Khaimay Kay Dar Se
Sawa Naizay Pay Sooraj Kanpta Tha

Yeh Sokhi Jheel Ka Be-Aks Pani
Kabhi Mahtaab Is Mai Tairta Tha

Judaai Kay Dinoo Mai Sochtay Hain
Koi Hum Mai Yaqeenan Be-Waffa Tha

Usay Rustay Mail Kal Dekha Tha MOHSIN
Udaasi Mai Wo Acha Lag Raha Tha